ميلينيوم سنتر (ميلينيوم سنتر فرع عبدالله فواد)

الصالون مرتب ونظيف وتعامل رائع موظفات الاستقبال بشوشات وراقيات في التعامل .. جيت اخذت موعد وبعد اسبوع جيت على الموعد بديت على طول ما طولت أبد في الانتظار.. سويت تسريحة وطلعت جميييله مره عند جينا شغلها متقن وهي روحها حلوه .. وبنتي عند دارين شغلها مرتب وروحها حلوه .. مايفروض رأيهم يعطونك حرية الأختيار ..وشفت كم وحده متمكيجة مكياجهم حلو ونظيف شكرا لإدارة المكان

كلمه روعه جميل رايق ممتاز متمكن قلييييله في حقهم . اجواء رايقه الصباح تسمعين القران بكل مكان في ارجاء الصالون شعور مريح للغايه . موظفات الاستقبال ماشاء الله رايقين . تعامل طيب بشاشه اسلوب راقي . أم مشاري الله يسعدها جميله قلبًا وقالباً اخلاقها تعاملها اسلوبها رووعه تبارك الرحمن. كم مره أسوي بروتين عندهم ماشاء الله ما اندم يعرفون شغلهم صح . شاندرا سلمت الايادي سويت عندها رينساج وصبغه . جيت بشكل وطلعت بشكل اخر و راضيه الحمد لله. يعطيكم العافية دمتم بأحسن حال. والله العظيم اجي من مدينه أبها واسوي عندهم البروتين . لاني اثق في شغلهم ١٠٠٪؜١٠٠ ماشاء الله . موفقين دائما وابدا 🤍

بصراحه كل الخدمات كويسه الحين تو خلصت من خدمة المساج للجسم كامل وبدون زيت مع ( ستي ) ماشاءالله ولا أروع تسوي المساج بروقان و تكنيك عالي جدا انصح شخصيا اي احد يبي مساج يجي عندها وربي تطلعون منها وانتوا مرتاحين و مسترخين ع الاخر .. شكرا ملينيوم على وجودها بينكم ♥️♥️🫶

بصراحة ولا اروع وارقى وأنظف مشغل بكل الشرقية خدمة ممتازة وذوووق من صاحبة المشغل والموظفات وطبعاً حنان ماشاءالله من زمااااان وانا ماروح الا عندهم خصوصاً الشعر احترام وادب ونظافه وشغل رووووووووعه جداً ومااروح الا اكون مبسوطه كن دلالهم ودلعم والله يشهد 💖💖💖💖

مشغل رائع جداجيتهم من الرياض صراحه خيالي كل الموجودين الاستقبال والعاملات وجربت كذا شي عندهم شغلهم خيالي اهنيهم

مشغل ممتاز خدماته جيده أوقات الذروه موسميه ماشاء الله تعامل الاستقبال جميل وراقي أتمنى تقديم ضيافة قهوه خاصه إذا كانت الخدمات المطلوبه أكثر من خدمه ☺️😍الله يبارك لهم ويرزقهم من واسع فضله 🤍

اشكر أم مشاري على المشغل الراقي والعاملات الرائعات البشوشات شغلهم لايعلى عليه .. قصيت عند جينا قصها روعه 👌👌 صبغت عند لين فنانه 👌👌 ربي يبارك لك يام مشاري 💕

اشكر طاقم ميلينيوم من جميع الخدمات سواءً كانت استقبال او تعامل او موظفات او سعة بال وبشاشه مبسم تبارك الرحمن من جد انصح تجربة هذا الصالون الرائع الشغل بطل ومن قلب تبارك الرحمن سويت كذا هدمة عندهم كل موظفه احسن من الثانيه الله يبارك لك حبيبتي خلود واي وحده حابه غسيل شعر تروح فلبينه لستي وسشوار هنديه سمراني تهبل 👍🏻👍🏻👍🏻

مكان رائع وخدمات ممتازه ومنتجات عاليه الجوده…كل عاملاتهم محترفات من صبغه وبديكير ومنكيير وحواجب وكل شي🥰ما أثق إلا بشغلهم للأمانه ..لانهم يعرفون بالضبط وش تبغين …شكراً لك أم مشاري ع طاقم العمل الرائع،،.🌹🌹🌹

سويت اظافري جل طلعوا وااااو شكرا من القلب ❤️❤️ و العامله الاندنوسيه سيتي رائعه بتنظيف الرجل و المساج 😍

قصيت شعري عندهم القص ماكان مرة دقيق لاحظت فيه شعرات اطول من الثانية بس للامانه القصة عجبتني مرة وناسبت وجهي وبعتمدها ، نسيت اسم الي قصت شعري بس شغلها حلو. موظفة الاستقبال في شفت الليل عسل ماعرفت وش اسمها بس تهبل الله يسعدها المكان نظيف وريحته حلوة

شهادة لله انهم قمة بالروعه رحت صالون ثاني عدمو اظافري وجينهم شوي وابكي بالطريقه الي سوا فيها اظافري وكان باقي لهم اقل من نص ساعه ويقفلون وع كذا استقبلتني الي كانت بالاستقبال اتوقع اسمها مريم اذا انا مو غلطانه وخلتهم يعدلون اظافري ولاطلعت من عندهم الا راضيه خدمتكم من افضل ما يكون 👌🏽

من أجمل الصالونات الي جربتها. ألف شكر للطاقم الرائع، استقبال تعامله راقي، الموظفات عملهم فوق الممتاز شعر، حواجب، أجمل بودكير سويته بحياتي. شكراً لمديرة المركز حنان، شكراً الجميلة خلود سلمان🌸